"Yuventus" futbolchisi "Chelsi"ga emas, boshqa klubga o'tmoqchi

"Yuventus" himoyachisi Matteys de Ligt "Bavariya"ga o'tmoqchi. Bu haqda Bild xabar bermoqda.

Manba bergan xabarga ko'ra, 22 yoshli niderlandiyalik futbolchi turinliklar rahbariyatiga nemis klubiga o'tishni o'ylayotgani haqida ma'lum qilgan.

Qayd etilishicha, "Bavariya" sport direktori Xasan Salihamidjich "Yuventus" bilan aloqa o'rnatgan va muzokaralar yaqin kunlarda bo'lib o'tishi kerak.

De Ligt o'tgan mavsumda "Yuventus" safida barcha turnirlarda 42 ta o'yinda maydonga tushib, 3 ta gol urdi va 1 ta golli uzatmani amalga oshirdi.