"Atalanta" "Inter" bilan hujumchi borasida kelisha olmayapti

"Atalanta" "Inter" bilan hujumchi Andrea Pinamonti transferi bo'yicha muzokaralarni davom ettirmoqda. Jurnalist Nikolo Skiraning so'zlariga ko'ra, tomonlar tovon miqdori bo'yicha kelisha olmayapti.

Pinamontining o'zi ancha avval "Atalanta" bilan shartnoma bo'yicha kelishib olgan va endi klub transfer summasi borasida kelishib olishini kutmoqda. Bergamo klubi futbolchi uchun 15 million evro to'lashga tayyor, "Inter" esa 18-20 million talab qilmoqda.

Eslatib o'tamiz, Pinamonti o'tgan mavsumda Italiya A seriyasida "Empoli"da ijara asosida o'ynab, 13 ta gol urdi. Futbolchi avvalroq "Montsa"ga o'tishdan bosh tortgandi.