"Vest Xem" "Vilyarreal" bilan deyarli kelishuvga erishdi

Hujumchi Arno Danjuma "Vilyarreal"dan "Vest Xem"ga o'tishga yaqin turibdi. Tomonlar 25 yoshli futbolchining transferi borasida kelishuvga erishishga yaqin turibdi. Mirror nashri xabariga ko'ra, kelishuv 45 million evro bo'lishi mumkin.

Arno Danjuma Angliyada "Bornmut" safida o'ynagan. Bir yil oldin hujumchi "Vilyarreal"ga o'tgan va La Ligada 34 ta o'yin o'tkazgan. Futbolchi hisobida 16 ta gol va 4 ta golli uzatma bor.

"Vest Xem" o'tgan mavsumda APLda 7-o'rinni egalladi. Endi "bolg'achilar" Konferentsiyalar ligasida Angliya sharafini himoya qiladi.