APL debyutanti yana bir darvozabonni o'z safiga qo'shib olmoqchi

Football Insider xabariga ko'ra, "Nottingem Forest" klubi "Byornli" darvozaboni Ueyn Xennessiga qiziqish bildirmoqda.

Manbaga ko'ra, "o'rmonchilar" 35 yoshli uelslik darvozabonni jarohat olgan taqdirda "Manchester Yunayted"dan ijaraga olingan Din Xendersonning o'rinbosari bo'lishi mumkinligini ko'rib chiqmoqda.

2021/22 yilgi mavsumda Xennessi "Byornli"ning 3 ta uchrashuvida qatnashib, 6 ta gol o'tkazib yuborgan. Transfermarkt portali darvozabonning narxini 500 ming evroga baholamoqda.