"Liverpul" yangi transferni amalga oshirganini e'lon qildi

"Liverpul" "Fulxem" yarim himoyachisi Fabio Karvalyu bilan shartnoma imzolaganini e'lon qildi.

19 yoshli portugaliyalik futbolchi yangi klubi bilan 2027 yilning iyun oyi oxirigacha shartnoma imzoladi. Transfermarkt portali xabariga ko'ra, "Liverpul" futbolchi uchun 5,9 million evro to'lagan.

Karvalyu 2014 yildan beri "Fulxem" tizimida o'ynab kelmoqda. 2021/22 yilgi mavsumda futbolchi asosiy jamoasi safida 38 ta o'yinda 11 ta gol urdi va 8 ta golli uzatmani amalga oshirdi.