"Yuventus" futbolchisi uchun 80 million evro taklif qilindi, lekin turinliklar ko'proq xohlamoqda

Jurnalist Nikolo Skira xabariga ko'ra, "Chelsi" hali ham "Yuventus" himoyachisi Metteis de Ligtni sotib olishga harakat qilmoqda.

Manba bergan xabarga ko'ra, londonliklar niderlandiyalik futbolchi uchun taxminan 80 million evro taklif qilishga tayyor. Biroq, "Yuventus" rahbariyati o'z futbolchisining transferi uchun 90 million so'ramoqda.

"Chelsi" De Ligtga 5 yillik shartnoma va 11 million evro miqdorida maosh taklif qilishga tayyor.

2021/22 yilgi mavsumda de Ligt "Yuventus" safida barcha turnirlar doirasida 42 ta o'yinda maydonga tushib, 3 ta gol urdi va 1 ta golli uzatmani amalga oshirdi. Niderlandiyalik futbolchining amaldagi shartnomasi 2024 yilning yoziga qadar mo'ljallangan.