"Roma" yangi transfer borasida kelishuvga erishdi

"Lill" himoyachisi Zeki Chelik "Roma" bilan shartnoma borasida kelishib oldi, deya xabar bermoqda jurnalist Janluka Di Martsio.

Manbaga ko'ra, transfer summasi 7 million evroni tashkil qiladi. Bundan tashqari, Frantsiya klubi futbolchining kelajakdagi qayta sotilishidan 15 foiz ulush olishi mumkin bo'ladi. Yaqin kunlarda Turkiya terma jamoasi futbolchisi kelishuvni yakunlash uchun tibbiy ko'rikdan o'tadi.

Chelik o'tgan mavsumda “Lill” safida 40 ta o'yinda maydonga tushib, 3 ta gol urdi va shuncha golli uzatmani amalga oshirdi.

Transfermarkt  portali Turkiya terma jamoasining 25 yoshli himoyachisini 18 million evroga baholamoqda.