"Barselona" ikki nafar himoyachining transferi uchun qancha mablag' sarf qilmoqchi ekanligini ma'lum qildi

"Chelsi" himoyachilari Sezar Aspilikueta va Markos Alonsolar "Barselona" transfer bozoridagi asosiy nishoni bo'lib turibdi, deya xabar bermoqda Mundo Deportivo.

Manba bergan xabarga ko'ra, "ko'k-anorranglilar" rahbariyati ushbu ikkita transfer uchun 20 million evro sarflashga tayyor. "Barselona" kelasi hafta oxirigacha shartnomani yopishini kutmoqda.

Aspilikueta 2012 yildan beri "Chelsi" futbolchisi hisoblanadi. Uning ingliz grandi bilan amaldagi shartnomasi kelasi yili tugaydi.

Alonso 2016 yildan beri "ko'klar" safida o'ynab kelmoqda. Futbolchining shartnomasi 2022/2023 yilgi mavsum oxirigacha hisoblangan.