London klubi yana Ronaldu bilan muzokara o'tkazdi

Portugaliya terma jamoasi va “Manchester Yunayted” klubi hujumchisi Krishtianu Ronaldu jamoani o'zgartirishga tayyorligini ma'lum qilganidan so'ng, turli mish-mishlari paydo bo'la boshladi.

Ijtimoiy tarmoq insayderi Nikolo Skiraning xabar berishicha, 37 yoshli futbolchini sotib olishga Londonning “Chelsi” klubi qiziqish bildirmoqda. "Ko'klar"ning yangi xo'jayini Todd Byoli portugaliyalik agent Jorje Mendesh bilan uchrashuv o'tkazib, u Krishtianuni transfer qilish imkoniyatlarini muhokama qilgan.

Ronaldu xizmatlariga "Chelsi"dan tashqari, "Bavariya" ham qiziqmoqda.

Hujumchining "Manchester Yunayted" bilan shartnomasi 2023 yilning yozida yakuniga etadi.