A Seriya debyutanti transfer bozoriga "o't qo'ymoqchi"

A Seriya debyutanti "Montsa" Italiya chempionatida yaxshi o'yin namoyish uchun o'z tarkibini jiddiy ravishda kuchaytirishga qaror qildi.

Klub vakillari "PSJ" hujumchisi Mauro Ikardi va "Yuventus"ning sobiq hujumchisi Paulo Dibalalarning xizmatiga qiziqish bildirmoqda, deb xabar bermoqda Janluka Di Martsio.

Manbaga ko'ra, "Montsa" bosh direktori Adriano Galliani Ikardining rafiqasi va agenti Vanda Nara bilan muzokaralar olib bormoqda. Bundan tashqari, Galliani Dibalaning agenti bilan bog'lanishga va futbolchining kelajagi borasida muzokara olib borishga ham muvaffaq bo'ldi.

Qayd etish joiz, "Montsa" "Barselona" himoyachisi Oskar Mingesa va “Sassuolo” futbolchisi Kaan Ayxanga ham qiziqish bildirmoqda.