"Arsenal" shov-shuvli xaridni amalga oshirishga yaqin turibdi

"Lester"ga tegishli belgiyalik yarim himoyachi Yuri Tilemans joriy transfer oynasida klubini o'zgartirishga yaqin turibdi.

Give Me Sport nashriga ma'lum bo'lishicha, yarim himoyachi Londonning "Arsenal" klubi bilan muvaffaqiyatli muzokaralar olib borgan va shaxsiy shartnoma shartlarini kelishib olgan. "Kanonirlar" belgiyalik futbolchi uchun tovon puli miqdorini "Lester" bilan kelishib olishlari kerak. London klubi uning transferi uchun 32 million funt (37 million evro) ajratishga tayyor.

Avvalroq Yuriga "Manchester Yunayted" va "Real" klublari ham qiziqish bildirayotgani xabar qilingandi.

Belgiyalik futbolchi o'tgan mavsumda APLda 32 ta o'yinda maydonga tushib, 6 ta gol urdi va 4 ta golli uzatmani amalga oshirdi.