"PSJ" Shkrinyanning transferidan tashqari yana bir himoyachini qo'lga kiritishni rejalashtirmoqda

Frantsiyaning "PSJ"klubi yozda "Inter"dan Milan Shkrinyarni sotib olishdan tashqari, yana bir himoyachini qo'lga kiritish ustida ishlamoqda. Jurnalist Adrien Grenining so'zlariga ko'ra, klub sport direktori Luis Kampos ko'p qirrali himoyachi bilan aloqaga chiqqan, biroq, uning nomi hali oshkor etilmagan.

Qayd etilishicha, aynan Kamposning o'zi bu futbolchining transferini talab qilmoqda. Portugaliyalik mutaxassis Abdu Diallo va Tilo Kereraning ketishi mumkinligi sababli, jamoaning himoya chizig'ini kuchaytirishni rejalashtirmoqda.

Eslatib o'tamiz, "Inter" himoyachisi Milan Shkrinyar uchun kurashda "PSJ" hozirda peshqadamlik qilmoqda. Sloveniyalik futbolchiga Londonning "Chelsi" jamoasi ham da'vogarlik qilmoqda.