"Yuventus" Di Mariyani qachon tanishtirishi ma'lum bo'ldi

"PSJ"ning sobiq yarim himoyachisi, hozirda erkin agent bo'lgan Anxel di Mariya Turinning "Yuventus" klubiga o'tadi. Bu haqda insayder Janluka di Martsio ijtimoiy tarmoqlar orqali ma'lum qildi.

Jurnalistga ma'lum bo'lishicha, "keksa sinora" kelasi hafta yangi futbolchini rasman tanishtiradi. Tomonlar 7,5 million evro maosh bilan bir yillik shartnoma imzolashga kelishib olishgan.

Anxel 2015 yildan beri "PSJ" safida to'p suradi. O'tgan mavsumda argentinalik futbolchi Liga 1da 26 ta o'yin o'tkazib, 5 ta gol urgan va 7 ta golli uzatmani amalga oshirgan.