Neymarni "Chelsi"da ko'rishni kim xohlayotgani ma'lum qilindi

Braziliya terma jamoasi va "PSJ" hujumchisi Neymarga Londonning “Chelsi” klubida kim qiziqish bildirayotgani ma'lum bo'ldi. Sky Sport Deutschland nashri xabariga ko'ra, hujumchini "Stemford Bridj"ga taklif qilishning asosiy tashabbuskori "ko'klar" bosh murabbiyi Tomas Tuxel hisoblanadi.

Londonliklar Neymar bilan muzokara o'tkazishga tayyor, ammo ikkita muhim to'siq bor. Birinchisi, braziliyalikning yuqori maoshi, ikkinchisi, hujumchining transfer oynasida klubini o'zgartirishni istamasligi.

Neymar 2017 yilning yozidan buyon parijliklar jamoasida to'p surmoqda. Uning "PSJ" bilan amaldagi shartnomasi 2024/2025 yilgi mavsum oxirigacha amal qiladi.