"Sevilya" "Latsio" futbolchisini o'z safiga qo'shib olishi mumkin

"Sevilya" "Liverpul"ning sobiq yarim himoyachisi, hozirda Italiya A Seriyasida to'p surayotgan futbolchining transferi ustida ishlamoqda. Jurnalist Nikolo Skiraning xabariga ko'ra, gap "Latsio" yarim himoyachisi Luis Alberto haqida ketmoqda.

Manba bergan xabarga ko'ra, Andalusiya klubi "Latsio"ga yarim himoyachi uchun 20 million evro taklif qilgan, ammo Rim rahbariyati ushbu transferdan ko'proq mablag' ishlashni xohlamoqda. Gap shundaki, bu transferning 30 foizi "Latsio" bilan transfer shartnomasiga ushbu variantni kiritgan "Liverpul"ga tushadi.

Luis Alberto avvalroq Ispaniya La Ligasiga qaytishni istashini aytgandi. 29 yoshli yarim himoyachi “Latsio” safida 219 ta o'yinda maydonga tushib, 40 ta gol urdi va 60 ta golli uzatmani amalga oshirdi.