"Roma" "Zenit" futbolchisiga qiziqish bildirganmidi?

"Zenit" yarim himoyachisi Klaudinoning huquqilarini himoya qiluvchi futbol agenti Luis Fernando Garsiya "Roma" va "Marsel" klublari braziliyalik futbolchiga qiziqish bildirayotgani haqidagi ma'lumotni rad etdi.

"Navbatdagi mish-mishlar. Men Klaudinoning "Zenit"da qolishini ko'p marta aytganman", - deya agentning so'zlaridan iqtibos keltirmoqda Sport24.

Avvalroq futbolchiga "Benfika" ham qiziqish bildirayotgani xabar qilingandi.

25 yoshli yarim himoyachi o'tgan mavsumda "Zenit" safida 31 ta o'yinda maydonga tushib, 10 ta gol urgan va 5 ta golga assistentlik qilgan. Braziliya terma jamoasi futbolchisi va Sankt-Peterburg klubi o'rtasidagi amaldagi kelishuv 2026 yilning yoziga qadar amal qiladi.