Diego Simeone o'g'li "Sevilya"ga ko'chib o'tishi mumkin

"Sevilya" "Verona" hujumchisi, "Atletiko" bosh murabbiyi Diego Simeonening o'g'li Jovanni Simeonega qiziqish bildirmoqda.

Argentinalik forvard o'tgan mavsumni Italiya klubida ijara asosida o'tkazdi, biroq yaqinda "Verona" Simeoneni "Kalyari"dan 10 million evroga sotib olgani haqida ma'lumot paydo bo'ldi. Futbolchining A Seriya klubi bilan shartnomasi 2026 yilning yoziga qadar tuzilgan. Transfermarkt Simeoneni 17 million evroga baholagan.

26 yoshli hujumchi o'tgan mavsumda “Verona” safida 35 ta o'yinda maydonga tushib, 17 ta gol urdi va 6 ta golli uzatmani amalga oshirdi.

Argentinalik futbolchi 2016 yildan beri Italiya chempionatida o'ynab kelmoqda. “Verona” va “Kalyari” klublaridan tashqari, “Jenoa” va “Fiorentina” kabi klublarda ham to'p surdi.