“Vest Xem” Jessi Lingardni sotib olmoqchi

“Vest Xem” “Manchester Yunayted”ni tark etayotgan yarim himoyachi Jessi Lingardni sotib olmoqchi.

Sky Sports xabariga ko'ra, londonliklar Lingardning vakillari bilan bog'lanib, shartnoma imzolashni taklif qilishgan.

Yarim himoyachi 2020/21 yilgi mavsumda “bolg'achilar” safida ijara asosida o'ynagan.

Shuningdek, “Vest Xem” darvozabon Alfons Areolyani “PSJ”dan 11 million funt (12,8 million evro) evaziga sotib oldi. Yaqin 24 soat ichida frantsiyalik darvozabon besh yillik shartnoma imzolaydi va bu haqda rasman ma'lum qilinadi.

Darvozabon londonliklar safida 2021 yilning yozidan buyon ijara asosida o'ynamoqda.

Manba: www.sports.ru