"Chelsi" Dembelega qancha maosh va'da qilayotgani ma'lum bo'ldi

"Chelsi" Usmon Dembeleni o'z safiga qo'shib olmoqchi bo'lgani uchun frantsiyalik futbolchiga katta maosh taklif qilishga tayyor. Mundo Deportivo nashri xabariga ko'ra, "ko'klar" vingerni yiliga 8 million evro maosh bilan ta'minlashga tayyor.

Qayd etilishicha, bu shart futbolchi uchun "Barselona" tomonidan qilinganidan taklifdan ko'ra foydaliroq. Futbolchining o'zi Kataloniyada qolishga qarshi emas, lekin klub shartlari bo'yicha taklifni qabul qilmoqchi emas.

Dembele transferining asosiy tashabbuskori Tomas Tuxel hisoblanadi. "Chelsi" bosh murabbiyi jarohati va tartib-intizomidagi muammolarga qaramay, frantsiyalik futbolchi bilan qaytadan uchrashishni istamoqda.