"Manchester Siti" yaqin orada Sterling bo'yicha rasmiy taklif oladi

"Manchester Siti" tez orada o'z futbolchisi Rahim Sterlingni sotish bo'yicha birinchi taklifni oladi. Jurnalist Mett Louning ma'lumotlariga ko'ra, Londonning "Chelsi" klubi tez orada birinchi taklif bilan "shaharliklar"ga murojaat qiladi.

Sterlingning o'zi "Chelsi"ga o'tishga tayyor. Hozircha ingliz futbolchisi londonliklarni ayni damda faoliyatini davom ettirish uchun eng yaxshi variant sifatida ko'rmoqda. Futbolchi "ko'klar"ga 50-60 million evroga tushishi mumkin.

"Chelsi" bosh murabbiyi Tomas Tuxel transferga qiziqmoqda. Klub Gabriel Jezusni qo'lga kiritish imkoniyatiga ega edi, biroq murabbiy Sterling nomzodini talab qildi.