"Inter" himoyachisi bosh murabbiyning rejasiga kiritilmadi

Milanning “Inter” klubi himoyachisi Valentino Lazaro bosh murabbiy Simone Indzagi rejalariga kiritilmagan. Jurnalist Nikolo Skiraning xabar berishicha, 26 yoshli avstriyalik futbolchi ushbu mavsum oralig'ida jamoani tark etishi kerak.

Himoyachi xizmatiga Germaniya Bundesligasining nomi oshkor etilmagan ikki klubi qiziqish bildirmoqda. Eslatib o'tamiz, avvalroq Lazaro Germaniyada "Borussiya" (M) va "Gerta" klublarida to'p surgan va u erdan "Inter"ga o'tgan edi.

Lazaro so'nggi mavsumni Lissabonning "Benfika" klubida ijarada o'tkazdi va Portugaliya chempionatining 18 o'yinida bitta golli uzatmani amalga oshirdi. Milanlik "Inter" futbolchisi Italiya A seriyasida 6ta o'yin o'tkazgan.