"Lids" "Chelsi" futbolchisini nishonga oldi, bitimga Rafinya ham qo'shilishi mumkin

"Lids" bosh murabbiyi Jessi Marsh "Chelsi" yarim himoyachisi Hakim Zieshni o'z jamoasiga olib kelmoqchi. Jurnalist Ben Jeykobsning fikricha, marokashlik futbolchi ushbu transfer oynasida "tovuslar"ning asosiy nishona sanaladi.

"Lids" Zieshni qo'lga kiritish uchun ushbu bitimga o'z yarim himoyachisi Rafinya Diasni ham qo'shishga qaror qilishi mumkin. Shartnomaga ko'p pul sarflashni istamaydigan ikkala klubning o'zaro almashuvi shunchaki osonlashishi mumkin.

Eslatib o'tamiz, Ziesh ikki yil avval Amsterdamning "Ayaks" klubidan "Chelsi"ga o'tgan edi. Marokashlik futbolchi "Stemford Bridj"da kam o'yin amaliyotiga ega bo'layotganidan norozi.