"MYu" bu futbolchini salohiyatli kuchaytiruvchi sifatida ko'rmayapti

"Manchester Yunayted" hujumchi Evanilsonning transferi borasida "Portu"ga murojaat qilmadi. Bu haqda italiyalik jurnalist Fabritsio Romano ijtimoiy tarmoqlarda xabar bermoqda.

Avvalroq, "Manchester Yunayted" Evanilson transferi uchun "Portu"ga 70 million evro taklif qilgani haqida xabarlar tarqalgan edi, biroq "ajdarlar" futbolchini sotishdan bosh tortdi. Manbaning xabariga ko'ra, "Manchester Yunayted" braziliyalik futbolchini salohiyatli kuchaytiruvchi sifatida ko'rmagan.

22 yoshli Evanilson o'tgan mavsumda Portugaliya ligasida "Portu" safida 14 ta gol urdi va 4 ta golli uzatmani amalga oshirdi. Bungacha hujumchi o'z vatanida "Fluminense"da to'p surgan.