Sansheshni qo'lga kirita olmagan "Milan" e'tiborini Traorega qaratdi

"Milan" "Sassuolo" yarim himoyachisi Hamid Traorega qiziqish bildirmoqda, deb xabar bermoqda La Gazzetta dello Sport.

Manbaga ko'ra, "rossonerlar" rahbariyati "Lill" yarim himoyachisi Renatu Sancheshning transferi borasida kelisha olmaganidan so'ng, 22 yoshli ivuarlik futbolchini sotib olishga e'tibor qaratgan. Avvalroq 24 yoshli portugaliyalik Sanshesh "PSJ"ga o'tishga yaqin ekani haqida xabarlar tarqalgan edi.

O'tgan mavsumda Traore “Sassuolo” safida 32 ta o'yinda maydonga tushib, 8 ta gol urdi va 4 ta golli uzatmani amalga oshirdi.

Yarim himoyachining hozirgi klubi bilan shartnomasi 2024 yilning yoziga qadar tuzilgan. Transfermarkt portali ivuarlik futbolchini 22 million evroga baholamoqda.