"Valensiya" etakchisi Mourino sabab "Roma"ga ko'chib o'tmoqchi

Rimning "Roma" klubi Ispaniyaning "Valensiya" jamoasiga tegishli bo'lgan yarim himoyachi Gonsalo Guedeshni o'z safiga qo'shib olmoqchi.

Calciomercato nashri xabariga ko'ra, Rim klubi "ko'rshapalaklar" 25 yoshli portugaliyalik yarim himoyachining transferi uchun talab qilayotgan 40 million evro to'lashga tayyor. O'z navbatida, Guedesh "bo'rilar" safiga qo'shilishga tayyor, uni Joze Mourino bilan hamkorlik qilish imkoniyati o'ziga tortmoqda.

25 yoshli yarim himoyachi o'tgan mavsumda La Ligada 36 ta o'yinda maydonga tushib, 11 ta gol urdi va 6 ta golli uzatmaga mualliflik qilgan.