"Inter" Shkrinyar borasida "PSJ"ga "skidka" qilib bermoqchi

Milanning “Inter” klubi Frantsiyaning “PSJ” klubi bilan etakchi himoyachisi Milan Shkrinyarni sotish bo'yicha muzokaralarni davom ettirmoqda. Insayder Alfredo Pedullaning tarqatgan xabariga ko'ra, Italiya tomoni slovakiyalik futbolchining transferi uchun chegirma qilib berishga rozi bo'lgan.

Agar parijliklar uning uchun 65 million evro to'lashsa, "Inter" Shkrinyarni Parijga qo'yib yuborishga tayyor. Shartnomada turli xil bonus to'lovlari ham bo'ladi. Oldinroq, milanliklar klubi himoyachining transferidan kamida 80 million ishlab olmoqchi ekanligi xabar qilingandi.

Shkrinyar 2017 yilning yozidan beri "Inter" sharafini himoya qilmoqda, uning shartnomasi yana bir mavsumga mo'ljallangan.

Himoyachi o'tgan mavsum A Seriyada 35 ta o'yinda maydonga tushib, 3 ta gol urdi va 3 ta sariq kartochka oldi.