"Barselona" o'z hujumchisini sotib yubormoqchi

Portugaliyalik hujumchi Fransishku Trinkan Kataloniyaning “Barselona”ning asosiy tarkibida maydonga tushmadi va jamoani tark etish haqida o'ylamoqda.

The Portugal Record nashri xabariga ko'ra, 21 yoshli hujumchi vataniga qaytish niyatida. Trinkan "Sporting" jamoasiga o'tishni xohlamoqda.

O'z navbatida "Barselona" Trinkanning sotilishiga qarshi emas. "Ko'k-anorranglilar" hujumchini transfer qilish orqali moliyaviy ahvolini yaxshilamoqchi.

O'tgan mavsumda Trinkan Angliyaning "Vulverxempton" klubida ijara asosida o'ynagan. Portugaliyalik futbolchi APLda 28 ta o'yinda maydonga tushib, 2 ta gol urdi va golli uzatmani amalga oshirdi.

Fransishkuning "Barselona" bilan shartnomasi 2025 yilning yoziga qadar mo'ljallangan.