Yaponiyalik himoyachi A Seriyaning boshqa klubiga o'tishi mumkin

Yaponiyalik himoyachi Maya Yoshida faoliyatini Italiya A seriyasining boshqa klubida davom ettirishi mumkin. Jurnalist Nikolo Skiraning ma'lumotlariga ko'ra, yaponiyalik futbolchiga A Seriyaning yangi ishtirokchisi "Montsa" klubi qiziqish bildirmoqda.

Avvalroq, "Montsa" "Inter"ni tark etgan Andrea Ranokkiya bilan erkin agent sifatida shartnoma imzolagan edi. Yoshidaning "Sampdoriya" bilan shartnomasi yakuniga etgani bois yaponiyalik futbolchi faol ravishda yangi klub izlamoqda.

Yoshida avvalroq “Sautgempton”da uzoq vaqt o'ynagan. Yaponiyalik himoyachi so'nggi uch mavsumni Italiyaning “Sampdoriya” klubida o'tkazdi. O'zining so'nggi mavsumida Maya A Seriyada ikkita gol urdi va uchta golli uzatmani amalga oshirdi.