Ana xolos! "Inter" tekinga o'tishi kutilayotgan Dibalaning transferidan voz kechishi mumkin

"Inter" hozirda tekinga o'tayotgan hujumchi Paulo Dibalani transfer qilishdan bosh tortishi ehtimoli bor. Italiyalik jurnalist Janluka di Martsio tarqatgan xabarga ko'ra, klub argentinalik futbolchi bilan shartnoma shartlari bo'yicha hozircha kelisha olmayapti.

Manbaga ko'ra, "Inter" avvaliga Lukaku bilan shartnomani yopadi, shundan keyingina Dibala bilan muzokaralarni davom ettiradi. Klub o'zining moliyaviy taklifini oshirish yoki oshirishmaslikni hal qilishi kerak.

Eslatib o'tamiz, ayni damda "Inter"da pul muammosi bor. Klub bir necha yil avval olingan kreditni to'lash uchun kamida ikki futbolchisini sotishi kerak.