"Borussiya" "Ayaks" futbolchisi bilan kelishuvga erishdi, endi klub bilan kelishib olishi kerak

Amsterdamning “Ayaks” hujumchisi Sebastyan Aller Germaniya chempionatiga o'tishga yaqin turibdi.

Fabritsio Romanoning ijtimoiy tarmoqlardagi xabariga ko'ra, "Borussiya" (D) ivuarlik hujumchining yangi jamoasiga aylanadi. Tomonlar allaqachon muzokara olib borgan va shartnoma shartlarini kelishib olgan.

Endi nemis top-klubi Sebastyanning transferi uchun tovon puli borasida Niderlandiya grandi bilan kelishib olishi kerak. Oldinroq 33 million evro haqida xabar berilgandi, ammo bu "Ayaks" uchun etarli emas edi.

O'tgan mavsumda Aller amsterdamliklar safida 42 ta o'yin o'tkazib, 34 ta gol urgan.