"Milan" futbolchisining transferidan Frantsiya klubi 15 foiz ulush oladi

Frantsiyaning “Lill” klubi “Milan” hujumchisi Rafael Leauning keyingi sotuvidan 15 foiz ulush oladi. Bu haqda jurnalist Nikolo Skira xabar berdi. Manbaga ko'ra, portugaliyalik futbolchiga "Manchester Siti" faol qiziqish bildirmoqda.

Qayd etilishicha, "Milan" allaqachon Leauga yiliga 4,5 million evro maosh bilan shartnomani 2026 yilgacha uzaytirish bo'yicha yangi taklif bilan chiqqan, biroq futbolchi bu imkoniyatni rad etishga qaror qilgan.

Yaqin orada milanliklar shartnomani uzaytirish bo'yicha yangi taklif bilan futbolchiga murojaat qiladi. Portugaliyalik futbolchi o'tgan mavsumda A Seriyada 11 ta gol urdi va 11 yil ichida ilk marta Skudettoni qo'lga kiritishga yordam berdi.