"MYu" Germaniya terma jamoasi himoyachisi bilan muzokaralarni boshladi

“Xoffenxaym” himoyachisi David Raum faoliyatini APLda davom ettirishi mumkin.

Sky Sport Deutschland nashrining xabariga ko'ra, "Manchester Yunayted" futbolchini o'z safiga qo'shib olmoqchi.

Muzokaralar allaqachon boshlangan, ammo kelishuv hali yakunlanmagan. Ta'kidlanishicha, tomonlar 30-35 million evro bo'yicha kelishib olishlari mumkin.

Oldinroq Germaniya terma jamoasi futbolchisi uchun "Nyukasl", "Vest Xem" va "Borussiya" klublari ham qiziqish bildirishayotgani xabar qilingandi.

Himoyachi o'tgan mavsumda Bundesligada 32 o'yinda maydonga tushib, 11 golga assistentlik qilgan.