Risharlison uchun kurashda favorit jamoa nomi ma'lum bo'ldi

"Chelsi" "Everton" hujumchisi Risharlison uchun kurashda favorit sifatida ko'rilmoqda. Britaniyaning The Independent nashri xabariga ko'ra, "ko'klar" braziliyalik futbolchining transferi bo'yicha boshqa klublardan kelgan har qanday taklifdan ko'ra ko'proq mablag' to'lashga tayyor.

Eslatib o'tamiz, avvalroq Risharlisonning o'zi ushbu transfer oynasida "Everton"ni tark etish istagi borligini ma'lum qilgan edi. Braziliyalik futbolchi o'z qarori haqida bosh murabbiy Frenk Lempard va "Everton" rahbariyatini xabardor qilgan.

Risharlison xizmatlariga Londonning boshqa klublari, jumladan, "Tottenxem" va "Arsenal" ham qiziqish bildirmoqda, ammo "Chelsi" braziliyalik futbolchini qo'lga kiritish uchun ushbu jamoalarning takliflarini to'xtatishga tayyor.