«MYu» direktori: «Frenki de Yongni qo'lga kiritish uchun qo'ldan kelgan barcha ishni qilamiz»

«Manchester Yunayted» klubi boshqaruv direktori Richard Arnold "Barselona" yarim himoyachisi Frenki de Yongning transferi yuzasidan olib borilayotgan muzokaralar borasida to'xtalib o'tdi.

«Bunda pul hal qiluvchi omil emas. Bosh murabbiy de Yong bilan shartnoma imzolanishini istamoqda. Menejerlar esa bu yo'nalishda katta ishni amalga oshirishdi. U ajoyib futbolchi.

100 million evro? 200? Bilmadim. Ushbu transferni amalga oshirish uchun qo'ldan kelgan barcha ishni qilamiz. Ancha kunlardan buyon ushbu masala bilan shug'ullanyapman. Pul borasida muammo yo'q, ammo ba'zi to'siqlar mavjud. Ular haqida esa ayta olmayman.

Takrorlayman, De Yong bilan shartnoma imzolash uchun qo'ldan kelgan barcha ishni qilamiz. Bunga etarli pul bizda mavjud», – dedi Richard Arnold.