«MYu» o'z hujumchisini sotib, o'rniga boshqa futbolchi sotib olmoqchi

Angliyaning «Manchester Yunayted» klubi frantsiyalik hujumchi Antoni Marsiyalni sotib yubormoqchi.

Mahalliy «The Telegraph» nashrining xabar berishicha, ingliz klubi o'tgan mavsumning asosiy qismini «Sevilya» safida ijara asosida o'tkazgan hujumchini jamoada qoldirmoqchi emas. 26 yoshli hujumchining transferidan tushgan mablag'ga «Yunayted» boshqa biron hujumchi olishni rejalashtirgan. Hozircha, Antoniga «Sevilya» va «Betis» klublaridan qiziqish bo'lgan.

Yakuniga etgan mavsumda «Sevilya» safida La Liganing 9 o'yinida maydonga tushgan Marsiyal 1 ta golli uzatma amalga oshirishga muvaffaq bo'lgan. Futbolchi "MYu" safiga 2015 yilning sentyabrida «Monako» safidan 57,6 million funt mablag' evaziga kelib qo'shilgan.