"Chelsi" futbolchisi Rim klubiga ko'chib o'tishi mumkin

"Chelsi" yarim himoyachisi Ruben Loftus-Chik faoliyatini "Latsio"da davom ettirishi mumkin. Bu haqda La Gazzetta dello Sport nashri xabar tarqatmoqda.

Manbaning xabariga ko'ra, Rim klubi rahbariyati agar Sergey Milinkovich-Savich yoki Luis Albertoni sotsa, angliyalik yarim himoyachini sotib olish masalasini ko'rib chiqishga tayyor bo'ladi.

Qayd etilishicha, bu transfer “Latsio”ga 20 million evroga tushishi mumkin. Italiya klubidagi futbolchining maoshi bir mavsumda 4 million bo'lishi kerak.

26 yoshli Loftus-Chik o'tgan mavsumda “Chelsi” safida 40 ta o'yinda maydonga tushib, 1 ta gol va 5 ta golli uzatmani amalga oshirgan.