"MYu" Nunesni sotib olishga yaqin turibdi

"Benfika"ning urugvaylik hujumchisi Darvin Nunes "Manchester Yunayted"ga o'tishga yaqin turibdi. Bu haqda Daily Mail nashri xabar tarqatdi.

Qayd etilishicha, "mankunianliklar"ning yangi bosh murabbiyi Erik ten Xagning shaxsan o'zi urugvayliklar futbolchini xizmatlaridan manfaatdor. Nunes «Manchester Yunayted» uchun 80 million evroga tushadi. Futbolchining o'zi avvalroq niderlandiyalik mutaxassisning uslubiga xayrixohligini bildirgan va yangilangan Manchesterga o'tishga tayyorligini bildirgandi.

22 yoshli Nunes hozirda dunyoning eng iqtidorli yosh hujumchilaridan biri. U 41 o'yinda 34 ta gol urgan mavsumdan so'ng, ko'plab top-klublar qiziqishlari doirasiga tushib qoldi.