"MYu" "Chelsi" futbolchisiga qiziqish bildirmoqda

«Manchester Yunayted» klubi «Chelsi» yarim himoyachisi Meyson Mauntni sotib olmoqchi. Bu haqda The Sun nashri xabar bermoqda.

23 yoshli yarim himoyachining "Chelsi" bilan amaldagi shartnomasi 2024 yilning yoziga qadar mo'ljallangan va yangi shartnoma bo'yicha muzokaralar to'xtab qolgan. “Qizil iblislar” vaziyatning rivojini kuzatishmoqda va iloji bo'lsa yarim himoyachini o'z saflariga qo'shib olishga harakat qilishadi.

Avvalroq, Maunt "Chelsi" bilan shartnomasini uzaytirishga qiziqayotgani haqida xabar berilgandi.

2021/22 yilgi mavsumda Meyson "ko'klar" safida barcha musobaqalarda 53 ta o'yinda maydonga tushib, 13 ta gol urdi va 16 ta golli uzatmani amalga oshirdi.