"Yuventus" Di Mariyaning masalasini tezroq hal qilib qo'yish niyatida

Anxel di Mariya va "Yuventus" hal qiluvchi bo'lishi mumkin bo'lgan yana bir uchrashuv o'tkazishadi.

"Yuventus" direktori va argentinalik vingerning agenti bugun uchrashib, kelishuvga erishishga harakat qilishadi, deya xabar beradi insayder Nikolo Skira.

Turin klubi va Di Mariya o'rtasidagi muzokaralar bir necha haftadan beri davom etmoqda.

34 yoshli futbolchi "PSJ"ni tekinga tark etadi. Parij klubi unga yangi shartnoma taklif qilmadi.

Anxel di Mariya 2021/22 yilgi mavsumda "PSJ" safida 31 o'yinda maydonga tushib, barcha musobaqalarda 5 gol va 9 golga assistentlik qilgan.