"Napoli" futbolchisi uchun APLning ikki klubi kurashga qo'shildi

"Napoli" yarim himoyachisi Fabian Ruis yozgi transfer oynasida faoliyatini Angliya Premer-ligasida davom ettirishi mumkin. Bu haqda Fichajes nashri xabar tarqatmoqda.

Manbaga ko'ra, "Arsenal" va "Nyukasl" rahbarlari 26 yoshli futbolchini kuzatib borishmoqda. Ma'lumki, "Nkasl" futbolchining transferi uchun ko'proq pul taklif qilishga va futbolchining moliyaviy istaklarini qondirishga tayyor.

26 yoshli ispaniyalik futbolchi 2018 yilning yozida «Betis»dan 30 million evro evaziga «Napoli»ga o'tgan edi. Hozir uning transfer qiymati 55 million evroni tashkil qilmoqda.

2021/22 yilgi mavsumda Ruis barcha musobaqalarda 38 ta o'yinda maydonga tushib, 7 ta gol urdi va 5 ta golga assistentlik qildi.