"MYu" "Ayaks" futbolchisining transferi ustida ishlamoqda, biroq shartnoma hali boshlang'ich bosqichda

"Manchester Yunayted" bosh murabbiy Erik ten Xag o'z jamoasida ko'rishni juda xohlayotgan "Ayaks" himoyachisi  Yurren Timberning transferi ustida ishlashda davom etmoqda.

Fabritsio Romanoning so'zlariga ko'ra, “Manchester Yunayted”ning niderlandiyalik yosh himoyachiga bo'lgan qiziqishi asosli, biroq shartnomaning boshlang'ich bosqichi bo'lgani uchun klublar hali ko'p ish qilishi kerak.

Qayd etilishicha, "Ayaks" Timberga futbolchini hech bo'lmaganda qisqa muddatga olib qolish uchun klub bilan shartnomani uzaytirishni taklif qilmoqda. Futbolchining o'zi avvalroq Amsterdamda qolmoqchi ekanligini aytgandi.