"Napoli" futbolchisi jamoasini o'zgartirish niyatida

“Napoli” yarim himoyachisi Matteo Politano yozgi transfer oynasida neapolliklar safini tark etishi mumkin. Bu haqda Italiya OAVlari xabar bermoqda.

Politano joriy mavsumda jamoasi safida 39 ta o'yinda maydonga tushdi. Futbolchi beshta gol urdi va ettita golli uzatmani ham amalga oshirdi. Matteo Politanoning klub bilan shartnomasi 2024 yilning 30 iyuniga qadar amal qiladi. Transfermarkt portali 28 yoshli futbolchining narxini 28 million evroga baholamoqda.

"Napoli" mavsumni A seriyada uchinchi o'rinda yakunladi. Neapolliklar 38 uchrashuvda 79 ochko to'plashdi. Spaletti shogirdlari turnirda g'olib chiqqan “Milan”dan 7 ochko ortda qoldi.