"Chelsi" Dembelega rasmiy so'rov yubordi

Kataloniyaning “Barselona” klubi hujumkor yarim himoyachisi Usmon Dembele Angliya Premer-ligasida ishtirok etishi mumkin.

Ijtimoiy tarmoqlar orqali insayder Ekrem Konur xabariga ko'ra, Londonning "Chelsi" klubi qanot hujumchisi bilan shartnoma imzolamoqchi va unga rasmiy so'rov yuborishgan. "Ko'klar" yozgi transfer maqsadi sifatida Usmonni belgilashdi.

Futbolchi londonliklar safiga tekinga qo'shilishi mumkin, chunki uning "ko'k-anorranglilar" bilan shartnomasi 2022 yilning yozida tugaydi. Unga "Chelsi"dan tashqari "Liverpul" va "PSJ" klublari qiziqish bildirmoqda.

Frantsiyalik futbolchi 2017 yildan beri "Barselona"da o'ynab kelmoqda. O'tgan mavsumda u 32 ta jangda 2 ta gol urdi va 13 ta golli uzatmani amalga oshirdi.