"Liverpul" Maneni qanday shart asosida qo'yib yuborishi ma'lum bo'ldi

Sadio Mane qanday shartda "Liverpul"ni tark etishi mumkinligi ma'lum bo'ldi, deya xabar beradi jurnalist Karl Markem.

Manbaning xabariga ko'ra, futbolchi ingliz klubini faqat potentsial xaridor kamida 30 million evro taklif qilsagina tark etishi mumkin bo'ladi. Qolaversa, "mersisaydliklar" o'z yulduzini almashtira oladigan futbolchi topa olishiga ishonch hosil qilishlari kerak.

Avvalroq ko'plab nashrlar hujumchini "Bavariya"ga o'tishi bilan bog'lashdi.

Mane «Liverpul»ga 2016 yilda «Sautgempton»dan 41,2 million evro evaziga o'tgan edi. Uning shartnomasi 2023 yilda yakuniga etadi.

Joriy mavsumda 30 yoshli senegallik “qizillar” safida barcha turnirlar doirasida 51 ta o'yinda maydonga tushib, 23 ta gol urdi va 5 ta golli uzatmani amalga oshirdi. Transfermarkt vingerni 80 million evroga baholamoqda.