Mane "Liverpul"ga yozda jamoani tark etish niyatida ekanligini aytmagan

Sky Sports nashrining tarqatgan xabariga ko'ra, Sadio Mane "Liverpul"ga yozda ketish niyati borligini aytmagan.

"Liverpul" haqiqatan ham "Bavariya"dan transfer taklifini ko'rib chiqmoqda, ammo bu borada hammasi avval xabar qilinganidek aniq emas.

Sky Sports nashri xabariga ko'ra, Mane o'z kelajagi borasida hali 100 foiz qarorga kelmagan va "Liverpul" transfer uchun avvalroq ko'rsatilgan summadan ko'proq pul talab qilishi mumkin.

Sadio Manening "Liverpul" bilan shartnomasi bir yildan keyin tugaydi. U shu hafta o'z qarori haqida Chempionlar ligasi finalidan keyin gaplashishini aytdi.

Yakunlangan mavsumda senegalliklar “Liverpul” safida 51 ta o'yinda maydonga tushib, 23 ta gol urdi va 5 ta golli uzatmani amalga oshirdi.