"Bayer" yangi hujumchini tibbiy ko'rikdan o'tkazmoqda

Praganing “Sparta” klubi hujumchisi Adam Glojek Leverkuzenning “Bayer” klubiga o'tish arafasida.

Fabritsio Romanoning so'zlariga ko'ra, Chexiya terma jamoasi futbolchisi "dorishunoslar" safiga o'tishini yakunlashdan oldin tez orada tibbiy ko'rikdan o'tadi.

Qayd etilishicha, bitim 13 million evroni tashkil qiladi. Shuningdek, "Sparta" kelajakda futbolchining keyingi transferidan 30 foiz oladi. "Bayer"da Glojek Chexiya terma jamoasi futbolchisi Patrik Shikka raqobatchi bo'ladi.

Joriy mavsumda Glojek Chexiya chempionatida “Sparta” safida 9 ta gol urdi va 12 ta golli uzatmani amalga oshirdi.