"PSJ" "Real"ning sobiq ikki futbolchisiga yana imkon bermoqchi

"PSJ" klubi darvozabon Keylor Navas va himoyachi Serxio Ramosni jamoada saqlab qolmoqchi. Insayder Adrien Grenening so'zlariga ko'ra, frantsuz klubi kelasi mavsumda "Real"ning sobiq o'yinchilaridan ko'p narsalarni umid qilmoqda.

Avvalroq, "PSJ" Keylor Navasni sotishga qarshi emasligi xabar qilingandi, chunki o'tgan yozda "Milan"dan qo'shilgan Janluiji Donnarumma kosta-rikalikdan birinchi raqamli darvozabon rolini olib qo'ygandi.

Ramosga kelsak, "PSJ" ispaniyalik himoyachi tez-tez jarohat olishidan norozi edi. Biroq endi rahbariyat futbolchiga yana bir imkoniyat berishga tayyor.