"Inter" o'z etakchisini "qurbon" qilmaydi

Italiyalik insayder Janluka di Martsio moliyaviy muammolar bo'lishiga qaramay "Inter" hujumchi Lautaro Martinesni qurbon qilmasligini aytdi.

Avvalroq, milanliklar yozda o'z yulduzlaridan birini sotishi kerakligi xabar qilingandi, biroq italiyalik mutaxassis bu himoyachilardan biri bo'lishini aytmoqda.

"Menimcha, Sanches va Vidaldan tashqari, Shkrinyar yoki Bastoni kabi himoyachi bo'lishi mumkin. Ushbu futbolchilarga "Tottenxem" jiddiy qiziqish bildirmoqda. Hammasi aniq takliflarga bog'liq bo'ladi", - dedi Di Martsio.

Mutaxassisning fikricha, har qanday variant bo'lsa ham, “Inter” bosh murabbiyi Simone Indzagi mavsum boshiga qadar argentinalikni sotishga yo'l qo'ymaydi.