"Arsenal" "Inter" futbolchisiga jiddiy qiziqish bildirmoqda

"Arsenal" "Inter" himoyachisi Federiko Dimarkoga qiziqish bildirmoqda.

Faoliyati davomida Dimarko turli klublarda ijara asosida o'ynashga majbur bo'ldi, ammo o'tgan mavsumda himoyachi "Inter" klubining asosiy o'yinchilaridan biriga aylandi.

"Arsenal" bosh murabbiyi Mikel Arteta himoyada turli pozitsiyalarda o'ynay oladigan o'yinchi qidirmoqda, Dimarko esa "kanonirlar"ning transfer maqsadlaridan biri, deb xabar beradi TuttoMercatoWeb.

Potentsial transfer summasi 20-25 million evroga baholanmoqda.

Joriy mavsumda futbolchi A seriyada 32 ta o'yin o'tkazib, 2 ta gol urdi va 2 ta golli uzatmani amalga oshirdi.