Dembele uchun kurash qizg'in ko'rinish oladiganga o'xshaydi

"Barselona" hujumchisi Usmon Dembele Bundesliga yoki Premer-ligaga yo'l olishi mumkin.

Bayern & Germany nashri xabariga ko'ra, "Bavariya" va "Chelsi" frantsiyalik hujumchi uchun kurashga qo'shilgan.

Avvalroq, OAVda Dembeleni sotib olmoqchi bo'lgan "PSJ" futbolchining xizmatlaridan bosh tortgani haqida xabarlar tarqalgan edi.

Usmon Dembele o'tgan mavsumda 32 ta o'yinda maydonga tushib, 2 ta gol urdi va 13 ta golli uzatmani amalga oshirdi.

Futbolchining "Barselona" bilan shartnomasi shu yilning iyun oyi oxirida tugaydi, transfermarkt portaliga ko'ra, futbolchining narxi 30 million evroni tashkil qiladi.